ரஜினிக்குதான் எல்லா ஓட்டும்: ராம் கோபால் வர்மா கணிப்பு

ரஜினிக்குதான் எல்லா ஓட்டும்: ராம் கோபால் வர்மா கணிப்பு 

நடிகர் ரஜினிகாந்த் தனிக் கட்சி தொடங்குவதாக அறிவித்துள்ள நிலையில், "ரஜினிக்குதான் எல்லா ஓட்டும்" என பாலிவுட் இயக்குநர் ராம் கோபால் வர்மா தனது ட்விட்டர் பக்கத்தில் கருத்து தெரிவித்துள்ளார்.

ட்விட்டரில் அவர் கூறியிருப்பதாவது:

ரஜினிகாந்த் அரசியல் பிரவேசத்தை அறிவித்தபோது அவரிடம் தென்பட்ட சக்தியை இதுவரை நான் கண்டதில்லை. என் கணிப்பின்படி, தமிழகத்தில் உள்ள அனைவருமே ரஜினிகாந்துக்குத்தான் வாக்களிப்பார்கள். அவரை எதிர்த்து போட்டியிடும் அனைத்து கட்சிகளுமே வாயடைத்துப் போகும். "தமிழகம் ஒருசிலரால் அதன் கவுரவத்தை இழந்திருக்கிறது, அதை நான் மீட்டெடுப்பேன்' என ரஜினிகாந்த் கூறியது மிகப் பெரிய விஷயம்.

ரஜினிகாந்த் தமிழகத்தின் அனைத்து தொகுதிகளிலும் போட்டியிடுவதாக அறிவித்திருப்பதுபோல், பவன் கல்யாணும் ஆந்திராவில் எல்லா தொகுதிகளிலும் போட்டியிட வேண்டும். இல்லாவிட்டால் ரஜினி அளவுக்கு பவனுக்கு துணிச்சல் இல்லை என ரசிகர்கள் எண்ணிவிடுவர். மேலும், தமிழ் சூப்பர்ஸ்டாரைவிட தெலுங்கு சூப்பர்ஸ்டாருக்கு துணிச்சல் குறைந்தால் அது தெலுங்கு மக்களுக்கு கவுரவ குறைச்சலாகிவிடும்.
இவ்வாறு ராம் கோபால் வர்மா தெரிவித்துள்ளார்.